Kandidat Nationalpark Parc Adula

Als amis da la natira batta il cor en il Parc Adula in pèr tacts pli aut. En questa cuntrada genuina duain proximamain vegnir avertas las portas dal pli grond parc naziunal da la Svizra.

Regionaler Naturpark Beverin

Trais vals, duas culturas, in parc: enconuschent per chavorgias profundas, vitgs intacts, lais da muntogna clers sco cristals e capricorns. Ils animals imposants e maiestus vivan en la cuntrada natirala.

Regionaler Naturpark Landschaftspark Binntal

La Val da Binn surprenda cun mintga pass ch’ins fa. Questa val laterala dal Vallais è ritga da minerals ch’ins po chattar cun batter crappa en la chava da Lengenbach u durant ina tura cun chavacristals.

Parc naturel régional Chasseral

Il Chasseral, il grondius balcun da la Svizra, surprenda cun bleras fatschas diversas: chavorgias selvadias, planiras urbarisadas, planiras autas, pastgiras d’alp e vignas.

Regionaler Naturpark Diemtigtal

Cun ses stgazis culturals e sia cuntrada vasta è il Parc natiral dal Diemtigtal ina regiun ideala per excursiuns activas. Sendas mainas per lung las auas e tar chasas veglias da lain sin prada grassa.

Parc naturel régional du Doubs

Als amis da la natira batta il cor en il Parc Adula in pèr tacts pli aut. En questa cuntrada genuina duain proximamain vegnir avertas las portas dal pli grond parc naziunal da la Svizra.

Regionaler Naturpark Parc Ela

In spectacul natiral sin 548 kilometer quadrats: Il Parc Ela en la Val d’Alvra ed en il Surses è il pli grond parc natiral da la Svizra. Palids, prads sitgs, lais da muntogna e guauds spetgan da vegnir scuverts.

Regionaler Naturpark UNESCO Biospähre Entlebuch

I dat strusch ina regiun che posseda uschè blers stgazis natirals sco il vest selvadi da Lucerna. Perquai n‘èsi betg da sa smirvegliar che l’Entlebuch è vegnì distinguì da l’UNESCO sco reservat da biosfera

Regionaler Naturpark Gantrisch

Avant onns era il lajet da Gantrisch sin il precint da s’enterrar. Oz traglischa il lai da muntogna puspè en la cuntrada da palì pittoresca. Per via scuntr’ins vatgas e chauras, e cun in pau cletg schizunt in pèr chamutschs

Parc naturel regional Gruyère Pays-d’Enhaut

Qua entran l’uman, la natira e la cultura en ina convivenza impressiunanta. Vitgs istorics embelleschan las collinas selvadias. Il reservat Pierreuse u Vanil noir èn cuntradas da gronda pumpa.

Parc naturel régional Jura vaudois

Il parc natiral regiunal Jura vaudois s’extenda dal Pass da la Givrine fin a la pitschna citad medievala da Romainmôtier, daventada famusa per sia collegiata romana.

Regionaler Naturpark Jurapark Aargau

Tranter l’Aara ed il Rain s’extenda la cuntrada da collinas dal Giura argovian. Ella è il pli vast territori natiral ed il pli grond spazi da recreaziun tranter Basilea e Turitg. La zona centrala dal parc consista dal massiv dal Giura.

Regionaler Naturpark Pfyn-Finges

Steppas e biotops, vitgs muntagnards e citadinas idillicas, vignas ed in dals guauds da tieus ils pli gronds da las Alps: En il Parc natiral da Pfyn-Finges sa preschenta la natira cun ina gronda diversitad en in spazi fitg limità.

Parc Naziunal Svizzer

La surfatscha da l’emprim reservat da biosfera da l’UNESCO è vegnida il dubel pli gronda suenter ch’ella è vegnì messa ensembel dal 2010 cun la Biosfera Val Müstair: In lieu cun in carisma magic.

Regionaler Naturpark Thal

Il Parc natiral da Thal vala el sco lieu secret. Integrà en las chadainas da muntognas dal Giura soloturnais, pussibilitescha el da far spassegiadas en mintga tempo: cun il velo, viandond, rampignond u sfarlattond.

Regionaler Naturpark Biosfera Val Müstair

In mund per sai è la regiun idillica da la Val Müstair. Prada bella verda e vitgs pittorescs stattan en cuntrast cun la natira selvadia dal Parc Naziunal: Ina cuntrada singulara, in paradis paschaivel.

Naturerlebnispark Wildnispark Zürich Sihlwald

L’emprim parc natiral da recreaziun da la Svizra è in lieu plain secrets. En il pli grond guaud da faus da la Svizra Bassa maina la natira la batgetta magica e stgaffescha in territori mirveglius. 

Candidato parco nazionale del Locarnese

Il Parc naziunal dal Locarnese tanscha da las Inslas da Brissago fin a las tschimas da las Alps tessinaisas cuvertas cun naiv. Questa regiun, nua che las plattas continentalas da l’Africa e da l’Europa sa scuntran, è plain cuntrasts.

Tut ils parcs en in‘egliada

Zur Detailansicht die gewünschte Region anklicken.

Glista da tut ils parcs svizzers

In stgazi datiers dal tschiel

Als amis da la natira batta il cor en il Parc Adula in pèr tacts pli aut: En questa cuntrada originara vul ins prest avrir uffizialmain il pli grond parc naziunal da la Svizra – e proteger uschia stgazis natirals singulars sco la planira da la Greina u las funtaunas dal Rain. Il medem mument vul ins promover en il parc il svilup persistent d’in turissem en accord cun la natira. Il parc naziunal ha survegnì ses num da l’Adula, enconuschent era sco Piz Valragn.

Excursiun recumandada: Via panoramica Val Calanca

Da Braggio/Stabbio a Selma: 5,6 km, 2h10. La Val Calanca è senza dubi ina da las vals las pli nunenconuschentas dal chantun Grischun. Sin la via panoramica emprendan las visitadras ed ils visitaders d’enconuscher ils numerus vitgs intacts, ils gronds guauds da pigns e da lareschs, ils grips maiestus e las bleras chavorgias da la val. 

 

Webseite

Park website

Anreise

SBB/CFF/FFSGoogle Maps

La patria dals capricorns

Trais vals, duas culturas, in parc: enconuschent per chavorgias profundas, vitgs intacts, lais da muntogna clers sco cristals e capricorns. Ils animals imposants e maiestus vivan en las paraids-crap dal Piz Bavregn (2998 m) e veglian sur il Parc natiral Bavregn cun sia cuntrada selvadia e natirala che evochescha l’eternitad sin 373 kilometers quadrats.

Excursiun recumandada: Veia Traversina

Da Tusaun a Ziràn: 12 km, 5 h. L’emprima etappa da quest lung traject cultural numnà „Via Spluga“ maina il viandant da Tusaun al cumplex fortifitgà da Reziòlta, da là vinavant sur la spectaculara punt da lain suspendida, numnada piogn da Traversina, en la Viamala ed a la Punt da Suransuns, construida cun sugas d’atschal stendidas, e vinavant a Ziràn.

Webseite

Park website

Anreise

SBB/CFF/FFSGoogle Maps

Ritgezzas nunspetgadas

La Val da Binn surprenda cun mintga pass ch’ins fa. Questa val laterala dal Vallais è ritga da minerals ch’ins po chattar cun batter crappa en la chava da Lengenbach u durant ina tura cun chavacristals. I dat dentant anc bler auter da scuvrir: Il vitg intact dad Ernen sa revelescha era sco destinaziun gastronomica exquisita e sco lieu musical che permetta da giudair musica classica da cumponists renumads. A Grengiols flurescha il matg ina tulipana selvadia singulara en ils champs da seghel. Niederwald è il vitg natal dal retg dals hoteliers Cäsar Ritz.

Excursiun recumendada: Via romana

Da Binn a Grengiols: 11 km, 3h30. L’excursiun entschaiva en il vitg da minerals da Binn e maina sin la via istorica tras la chavorgia selvadia e romantica a la chaplutta “uff dum Blatt”. Ella va vinavant sperasvi l’aclaun da Hockmatta a Bächerhischere e fin al vitg da las tulipanas da Grengiols.

Webseite

Park website

Anreise

SBB/CFF/FFSGoogle Maps

Genuin

Il Chasseral, il grondius balcun da la Svizra, ha bleras fatschas diversas: Pasturas, vignas, chavorgias, planiras e valladas èn il fritg d’ina gronda voluntad da viver dignamain. Ses abitants, superbis da lur ragischs, èn er piuniers da la tecnologia spezialisada: Uras da qualitad e chaschiels da renum internaziunal sun las valurs segiras da questa regiun. Mintgin vegn a chattar qua chaminond, respirond, guardond enturn e discurrind cun la glieud il vair plaschair da viver.

Excursiun recumendada: Via dal Mont Sujet

Da Prés-d'Orvin a Twann: 12 km, 3h20. La via maina da Les Prés-d'Orvin (1007 m) al Lai da Bienna (433 m) via il Mont-Sujet, la senda dals sculpturs e las chavorgias da Douanne. Ella è variada e porscha bellas vistas panoramicas.

Webseite

Park website

Anreise

SBB/CFF/FFSGoogle Maps

Nossa val, tes parc

Cun ses stgazis culturals e sia cuntrada vasta è il Parc natiral dal Diemtigtal ina regiun ideala per excursiuns activas. Vias da viandar mainan lung auals e flums e sper chasas veglias vi sin grassas pastgiras d’alp. Vias tematicas intermedieschan a moda impressiunanta las bellezzas ed ils secrets da la natira, sco per exempel quel dal bau rar „rosalia alpina“. La via da divertiment «Grimmimutz» maina famiglias a lieus da far termagls e sin la plazza cun gieus d’aua nua ch’ils pitschens perscrutaders scuvran il bletsch mirveglius.

Excursiun recumendada: Excursiun da 5 stailas

Dad Oey-Diemtigen sin l’Alp Grimmi: 16 km, 4 h. En il Diemtigtal datti bleras vias da viandar; quella dad Oey a Schwenden è d’ina bellezza unica. La via suonda ils auals Filderich e Chirel e maina tras guauds e prada mirvegliusa.

Webseite

Park website

Anreise

SBB/CFF/FFSGoogle Maps

Il flum sco lingia da cunfin e d’uniun

Il Doubs furma sur 40 km in cunfin natiral tranter la Svizra e la Frantscha. A Les Brenets è quest miracul da la natira spezialmain impressiunant: il flum sbucca en in lai tschinclà da paraids-crap abruptas cun auas paschaivlas che creschan tuttenina a cascadas: in exempel fantastic è il «Saut-du-Doubs». Ins cuntanscha el a pe davent da la plazza da sbartgar. L’aua cuntinuescha ses viadi en las chavorgias selvadias che traversan Goumois per arrivar al «Clos du Doubs» e per turnar alura puspè en Frantscha.

Excursiun recumendada: Cascada dal Doubs

Da Les Brenets a Biaufond: 21,2 km, 6h25. La tura parta da Les Brenets e maina suenter trais kilometers a l’emprim punct culminant, la cascada numnada «Saut-du-Doubs». Ella cuntinuescha lung il Lai da Moron al mir da serra.

Webseite

Park website

Anreise

SBB/CFF/FFSGoogle Maps

Il pli grond parc natiral

In spectacul natiral sin 548 kilometer quadrats: Il Parc Ela en la Val d’Alvra ed en il Surses è il pli grond parc natiral da la Svizra. Palids, prads sitgs, lais da muntogna e guauds spetgan da vegnir scuverts. Situà tranter ils pass alpins istoricamain impurtants da l’Alvra, dal Güglia e dal Set, dispona il Parc Ela da blers bains culturals, da fortezzas imposantas e da 19 vitgs ch’han mantegnì lur scharm originar. E cun la lingia da l’Alvra e dal Bernina da la Viafier retica dispona el ultra da quai d’in patrimoni mundial da l’Unesco ch’ins na po betg mo explorar cun l’auto, mabain era a pe.

Excursiun recumendada: Tura d‘exploraziun

Da l’ospizi dal Güglia / La Veduta a Beiva: 11,4 km, 5h. L’excursiun „Dal continent a l‘ocean“ dal Parc Ela permetta al viandant da scuvrir fastizs dal passà.

Webseite

Park website

Anreise

SBB/CFF/FFSGoogle Maps

Viandar sco sin vatta

I dat strusch ina regiun che posseda uschè blers stgazis natirals sco il vest selvadi da Lucerna. Perquai n‘èsi betg da sa smirvegliar che l’Entlebuch è vegnì distinguì da l’UNESCO sco reservat da biosfera. Qua s’extenda in mund mistic: cuntradas da palì intactas alterneschan cun pastgiras d’alp idillicas e cun la Schrattenfluh maiestusa. Durant in spassegiada tar l’implant da Kneipp u in’excursiun guidada, sin la tura aventurusa da tschintg dis tras la palì u durant in gir individual sin terrens fitg loms: l’Entlebuch inspirescha.

Excursiun recumendada: Excursiun lung la riva da l‘Emme

Da Sörenberg ad Emmenbrücke: 54 km, 12 h; ideal en 3 etappas d‘in di. Durant l’excursiun lung la Kleine Emme – da la funtauna fin la sbuccada - datti cun mintga meter bler da vesair e giudair.

Webseite

Park website

Anreise

SBB/CFF/FFSGoogle Maps

Idilla selvadia da lais da muntogna

Per quest juvel han cumbattì blers umans: Avant onns era il lajet da Gantrisch sin il precint da s’enterrar. Grazia a numerusas uras da lavur voluntaras ha el pudì vegnir salvà. Oz traglischa il lai da muntogna puspè en la cuntrada da palì; ina curta spassegiada maina da la chamona da Gantrisch a la riva dal lai. Per via scuntr’ins vatgas e chauras, e cun in spievel da champagna pon ins schizunt vesair, cun in pau cletg, in pèr chamutschs.

Excursiun recumendada: Via auta dal Gürbetal

Da Kehrsatz a Mühleturnen: 17 km, 5 h. Spezialmain plaschair da viandar en vischinanza da la citad da Berna fa la via auta da 17 km lunghezza che maina lung il Längenberg tras il Gürbetal. Tgi che vul giudair il panorama e s’interessa per la cultura da las chasas da purs, vegn qua plainamain sin ses quint.

Webseite

Park website

Anreise

SBB/CFF/FFSGoogle Maps

Cuntrada e umans

En il Parc natiral regiunal Gruyère Pays-d'Enhaut entran l’uman, la natira e la cultura en ina convivenza impressiunanta: Las chadainas da collinas selvadias cun las stallas d’alp cuvertas cun schlondas, ils vitgs istorics e las punts da crap sur la Saane èn perditgas d’ina cultura da plirs tschientaners. Anc oz celebreschan ils indigens lur luschezza patriotica cun bleras festas popularas ed isanzas. Els giaudan lur cuntrada magnifica: Il reservat Pierreuse u Vanil noir èn cuntradas da gronda pumpa.

Excursiun recumendada: Viandar tranter il Hochmatt ed il Vanil Noir

Da La Villette (Im Fang) a Granges : 21,4 km, 7h25. La tura en las muntognas da la regiun da cunfin friburgais-vadaisa porscha gronda variaziun da la cuntrada.

Webseite

Park website

Anreise

SBB/CFF/FFSGoogle Maps

Tranter natira e cultura

Il parc natiral regiunal Jura vaudois s’extenda dal Pass da la Givrine fin a la pitschna citad medievala da Romainmôtier, daventada famusa per sia abazia. Sias cuntradas èn ordvart variadas: guauds paschaivels alterneschan cun palids misteriusas, vastas pastgiras e grippa carstica. La regiun è spezialmain adattada per turas cun il velo da muntogna e per excursiuns da plaschair, cun bleras ustarias tradiziunalas che porschan spezialitads da la regiun.

Excursiun recumandada: Al punct culminant dal Giura svizzer

Da Le Sentier a Montricher: 16 km, 5h30. Sco paja per la muntada sin il Mont Tendre (1679 m), spetga ina ina vista magnifica sin las Alps ed il Lai da Genevra.

Webseite

Park website

Anreise

SBB/CFF/FFSGoogle Maps

In stgazi verd

Tranter l’Aara ed il Rain s’extenda la cuntrada da collinas dal Giura argovian. Ella è il pli vast territori natiral ed il pli grond spazi da recreaziun tranter Basilea e Turitg ed envida da sa recrear, da scuvrir, da giudair e da sa mover. Spassegiond pon ins scuvrir guauds da tieus clers, cun spundas d’orchideas, steppas da grips e vignas. La zona centrala dal parc consista dal massiv dal Giura tranter Frick e Villigen cun sias planiras autas, danunder ch’ins po vesair lunsch viaden en las Alps. Cun sias vals e ses vitgs originars furma il Giura argovian in cuntrast amabel cun la zona da colonisaziun lung l’Aara ed il Rain.

Excursiun recumandada: Excursiun en il Chriesiland

Via circulara a partir da Gipf-Oberfrick: 5,5 km, 1,5 fin 3 h. Il Chriesiwäg è ina bella via circulara che dat interessantas infurmaziuns davart la cultivaziun ed il diever da las tschareschas.

Webseite

Park website

Anreise

SBB/CFF/FFSGoogle Maps

Il hotspot da la biodiversitad al cunfin linguistic

Steppas e biotops, vitgs muntagnards e citadinas idillicas, vignas ed in dals guauds da tieus ils pli gronds da las Alps: En il Parc natiral da Pfyn-Finges sa preschenta la natira cun ina gronda diversitad en in spazi limità e surprenda cun cuntradas variadas ed ina flora e fauna remartgabla. Ina survista dat il Center Natira e Cuntrada a Salgesch. El infurmescha en pli davart rutas da viandar ed organisescha excursiuns guidadas cun botanichers, ornitologs e geologs.

Excursiun recumandada: Excursiun sin la senda da l‘urs

Dad Unterems ad Oberems: 6 km, 2h45. La senda da l’urs maina tras guauds fantastics ed aclauns originars e sur il grondius piogn da l’urs. Viadis spectaculars cun pendicularas cumpletteschan l’excursiun.

Webseite

Park website

Anreise

SBB/CFF/FFSGoogle Maps

Il precursur da tut ils parcs naziunals da las Alps

En la scena da la protecziun da la natira europeica ha il Parc Naziunal Svizzer gì in'absoluta rolla da piunier. El è vegnì fundà il 1914 sco emprim parc naziunal da las Alps e posseda a medem temp il status da protecziun il pli aut dals territoris da cuntrada selvadia. Ultra dals animals e las plantas vegnan protegids er tut ils process natirals en il parc. Ils 80 km sendas da viandar marcadas pussibiliteschan als visitaders da scuvrir questa cuntrada fascinanta e sia dinamica al puls da la vita e senza disturbar il svilup natiral.

Dapi il 2010 furma il Parc Naziunal Svizzer ensemen cun la Biosfera Val Müstair il reservat da biosfera da l'UNESCO Val Müstair Parc Naziunal.

Excursiun recumandada: Excursiun sin il Margunet

Da Stabelchod (parcadi P8) ad Il Fuorn: 8 km, 3 h. La senda ecologica maina dals guauds dal Pass dal Fuorn a las pastgiras autalpinas cun ina ritga flora e fauna e cun in panorama magnific sur la mesadad dal Parc Naziunal.

Webseite

Park website

Anreise

SBB/CFF/FFSGoogle Maps

Ideal per mintga tempo

Il Parc natiral da Thal vala el sco lieu secret. Integrà en las chadainas da muntognas dal Giura soloturnais, pussibilitescha el da far spassegiadas en la natira cun tge tempo ch’i saja: Ins po percurrer cun il velo la cuntrada cun sias numerusas ruinas da chastels u s‘approfundar sin sendas da viandar tematicas en la fauna e flora, la geologia ed il mund mitic da la regiun. Ultra da quai carmaleschan curtins da raiver si en ils auts. E tgi che vul far pacific, sa lascha maldisar en in dals restaurants da muntogna.

Excursiun recumandada: La via tras la chavorgia dal luf a Welschenohr

Via circulara a partir da Welschenrohr: 14 km, 4 h. Sin questa tura pon ins vesair e giudair las differentas fatschas dal Parc natiral da Thal. La tura cumenza cun la muntada tras la chavorgia dal luf ch’è selvadia e romantica.

Webseite

Park website

Anreise

SBB/CFF/FFSGoogle Maps

Nua che la natira è propi anc natira

In mund per sai è la regiun idillica da la Val Müstair. Prada bella verda e vitgs pittorescs stattan en cuntrast cun la natira selvadia dal Parc Naziunal da l’autra vart dal Pass dal Fuorn. La cuntrada singulara è vegnida undrada gist duas giadas il 2010. La Val Müstair vala ussa il medem mument sco parc natiral regiunal e sco part dal reservat da biosfera autalpin da l’Unesco Val Müstair – Parc Naziunal Svizzer. Ina vista spezialmain bella sin il paradis da quietezza pon ins giudair sin la „Senda Val Müstair“ che maina aut sur la val tras guauds da schembers, pastgiras alpinas e prads da flurs.

Excursiun recumandada: Senda Val Müstair

Dal Pass dal Fuorn a Lü: 9 km,.3 h. La via panoramica „Senda Val Müstair“ maina dal Passa dal Fuorn al vitget da Lü. Durant la tura fitg variada pass’ins sperasvi il Lai da Juata idillic ed ins po contemplar tranter auter l’imposant massiv da l’Ortler.

Webseite

Park website

Anreise

SBB/CFF/FFSGoogle Maps

Creatiras fabulusas han qua lur ragisch

L’emprim parc natiral da recreaziun da la Svizra è in lieu plain secrets. Il Sihlwald vegn surlaschà dapi l’onn 2000 per gronda part a sasez. Uschia maina la natira la batgetta magica en il pli grond guaud da faus da la Svizra Bassa. Il resultat è in territori mirveglius cun creatiras fabulusas zuppadas en plantas, en ragischs ed en la laina setga scrudada. Per las Turitgaisas ed ils Turitgais è il Sihlwald a medem mument ina cuntrada selvadia ed in spazi da recreaziun. En il parc zoologic Turitg Langenberg vivan animals da rapina sco l’urs, il luf ed il luf-tscherver.

Excursiun recumandada: Tras il Sihlwald

Da Hausen am Albis a Horgen: 12 km, 3h15. L’excursiun maina da Hausen tras il Parc natiral da Turitg Sihlwald. Suenter in’ascensiun spundiva cuntansch’ins l’Albishorn. Il punct final da l’excursiun è Horgen al Lai da Turitg.

Webseite

Park website

Anreise

SBB/CFF/FFSGoogle Maps

Nua che l‘Africa e l‘Europa sa scuntran

Il Parc naziunal dal Locarnese tanscha da las Inslas da Brissago fin a las tschimas da las Alps tessinai-sas cuvertas cun naiv. Questa regiun, nua che las plattas continentalas da l’Africa e da l’Europa sa scuntran, è plain cuntrasts: qua palmas ed ina vita pulsanta al lai, là ina natira selvadia cun vals solita-rias, chavorgias furibundas, guauds spess e pizs abrupts. Tranteren aclauns idillics cun vegliandras chasas da crap, baselgias e chapluttas che dattan perditga d’ina cultura alpina antruras fitg viva.

Excursiun recumandada: Bordei en il Centovalli

Dad Intragna a Rasa: 10 km, 2h45. La spassegiada maina tras in guaud da chastognas fitg romantic e suonda ina veglia senda da sauma fin al Ponte Romano, la pli veglia punt da crap artgada da la val.

Webseite

Park website

Anreise

SBB/CFF/FFSGoogle Maps

Planisar il viadi

In visita en mintga parc vala la paina

Blers parcs svizzers cuntansch’ins a partir da las citads pli grondas svizras entaifer curt temp. Il planisader da rutas As mussa la meglra via tar il center d’infurmaziun dal parc giavischà.

Partir da mes lieu actual...

nach...

Empustar ina carta

Vus pudais empustar la carta d’infurmaziun gratuitamain. Ella dat ina survista ed infurmescha davart tge ch’in parc svizzer è e nua che quels sa chattan. Plinavant vegn il parc mintgamai preschentà sin la pagina davos.
La campagna

Ils parcs svizzers

Ils parcs svizzers d’impurtanza naziunala uneschan cuntradas da bellezza, ina ritga biodiversitad e patrimonis culturals valurus. La populaziun da las vischnancas che possedan ils parcs na vul betg mo conservar questas ritgezzas, ma las valurisar e profitar d’ellas per il svilup economic e social da lur regiun.

La basa legala per crear parcs d’impurtanza naziunala è en vigur en Svizra dapi il 1. da december 2007. Fin ussa èn vegnids creads 15 parcs, 2 ulteriurs parcs sa chattan en ina fasa preparatorica.

I dat trais categorias da parcs d’impurtanza naziunala: parcs naziunals, parcs natirals regiunals e parcs natirals da recreaziun. Quests trais tips han mintgamai caracteristicas e finamiras differentas.

L’Uffizi federal d’ambient (UFAM) certifitgescha cun il label federal per 10 onns ils projects da parc ch’adempleschan las pretensiuns da la Confederaziun. Medemamain po la societad purtadra dal parc certifitgar tschertas persunas u tschertas fatschentas cun in label per products – sche lur products e servetschs vegnan producids e purschids en la regiun dal parc en maniera duraivla.

Ina gronda valur per la cuntrada, la natira e la cultura

Las ritgezzas principalas d’in parc d’impurtanza naziunala èn auas e guauds multifars, abitadis rars sco palids, ognas e prada sitga ed er cuntradas d’ina bellezza unica sco ils auts dal Giura argovian u ils glatschers en il Parc Adula (GR). Las regiuns cunfinantas dals parcs naziunals ed ils parcs regiunals cumpiglian ultra da quai cuntradas cultivadas tgiradas e patrimonis culturals valurus sco la Clostra San Jon a Müstair, in patrimoni mundial da l’UNESCO, u vischnancas intactas.

La populaziun sustegna il parc

Ils parcs na naschan betg sin ils plans da l’administraziun, mabain en ils chaus ed en ils cors da la populaziun. Questa sto dar l’impuls per la creaziun d’in parc e pir lura sustegna er la Confederaziun in project per in parc ch’ella certifitgescha cun il label federal dals parcs, sche tut las pretensiuns vegnan ademplidas. Las vischnancas èn represchentadas bain en las societads purtadras da mintga parc. Ellas han il dretg da far las impurtantas decisiuns strategicas per il parc.

Mantegnair valurs e promover duraivlamain l’economia

Il svilup duraivel daventa in punct d’orientaziun per adina dapli vischnancas en Svizra. En ils parcs è quest svilup anc pli accentuà: Las vischnancas ch’appartegnan tar in parc èn anc pli conscientas da lur caracteristicas localas e regiunalas e da lur ritgezzas da cuntrada e natira. Tar questas valurs tutgan er las vischnancas sezzas e lur cultura vivida. Las vischnancas d’in parc creeschan ensemen visiuns e strategias sco ch’ellas pudessan mantegnair questas valurs e profitar d’ellas per in svilup duraivel.

Adina en vossa vischinanza

La campagna infurmativa da l’Uffizi federal d’ambient (UFAM) «Ils parcs svizzers – Adina en Vossa vischinanza» vul render pli enconuschents ils parcs svizzers.

Finamiras da la campagna

Dapi l’onn 2008 èn vegnids creads e vegnan creads vinavant divers parcs svizzers d’impurtanza naziunala en tut las regiuns linguisticas dal pajais. Quests parcs e lur purschidas èn fin ussa pauc enconuschents. La finamira da questa campagna infurmativa è da render ils parcs pli enconuschents e da motivar la populaziun svizra da visitar els.

Sper cuntradas e spazis vitals d’ina bellezza unica che han ina gronda valur natirala e culturala, porschan ils parcs natirals d’impurtanza naziunala er bleras activitads ed occurrenzas attractivas per la populaziun locala tant sco per las persunas ch’als visitan.

Perquai èn las finamiras concretas da la campagna:

  • La populaziun enconuscha la marca «ils parcs svizzers».
  • Ils parcs d’impurtanza naziunala èn posiziunads tuts ensemen sco instituziuns ch’offreschan experientschas attractivas en las domenas natira, cuntrada, cultura e gastronomia.
  • La populaziun percepescha ils parcs svizzers sco projects per l’avegnir che pussibiliteschan l’innovaziun e la cooperaziun, che creeschan valurs e che stgaffeschan identitad.
  • Ils parcs svizzers han in image positiv e credibel.
  • La populaziun sa nua ch’ils parcs d’impurtanza naziunala èn situads e co ch’ins cuntanscha els, ella enconuscha lur caracteristicas ed è infurmada pertge ch’i renda d’als visitar.
Autur da la campagna

L’Uffizi federal d’ambient (UFAM) è l’autur da la campagna infurmativa «Ils parcs svizzers – Adina en Vossa vischinanza».

La campagna sa basa sin l’incumbensa da la lescha (art. 29, al. 4 OParcs) da render pli enconuschenta la marca «ils parcs svizzers».

La Rait dals parcs svizzers e divers parcs sustegnan questa campagna cun activitads da communicaziun e cun purschidas per la populaziun tant sco per las visitadras ed ils visitaders.

 

Ulteriuras infurmaziuns

Ulteriuras infurmaziuns chattan ins suandond quests links:

Vista dal desktop

Uffizi federal d'ambient (UFAM)

Rait dals parcs svizzers

 

Contact

paerke(at)bafu.admin.ch